Қурбон ҳайитини нишонлаш тўғрисида

Ўзбекистон Республикаси Президентининг қарори Асрлар давомида халқимизга хос меҳр-оқибат, хайр-саховат каби эзгу умуминсоний қадриятларни намоён этиб келаётган Қурбон ҳайити жонажон Ватанимизда ўзаро ҳамжиҳатлик, бағрикенглик ва шукроналик фазилатларини янада мустаҳкамлашга беқиёс ҳисса қўшмоқда. Ушбу улуғ айёмнинг маънавий ҳаётимиздаги муҳим аҳамиятини эътиборга олиб ҳамда уни мамлакатимизда муносиб нишонлаш мақсадида: 1. Жорий йилда Қурбон ҳайитининг биринчи куни 28 июнь – чоршанба кунига тўғри келиши тўғрисида Ўзбекистон мусулмонлари идораси Уламолар кенгаши томонидан қабул қилинган қарорни инобатга олиб, юртимизда 2023 йил 28 июнь куни Қурбон ҳайити байрами сифатида кенг нишонлансин. 2. Аҳолининг Қурбон ҳайити байрамини муносиб савияда ўтказиши учун қулай шарт-шароит яратиш мақсадида Ўзбекистон Республикаси Президентининг 2022 йил 23 декабрдаги “2023 йилда расмий саналарни нишонлаш даврида қўшимча ишланмайдиган кунларни белгилаш ва дам олиш кунларини кўчириш тўғрисида”ги ПФ-270-сон Фармони билан иш ҳафтасининг туридан қатъи назар барча ходимлар учун 2023 йилнинг 29-30 июнь кунлари, олти кунлик иш ҳафтасида ишлайдиган ходимлар учун 1 июль куни қўшимча дам олиш куни сифатида белгилангани маълумот учун қабул қилинсин. 3. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Дин ишлари бўйича қўмита ва ҳамкор ташкилотлар билан биргаликда Қурбон ҳайити халқимизнинг миллий анъана ва қадриятларига мос равишда ўтказилиши учун тегишли чора-тадбирларни амалга оширсин. 4. Маданият ва туризм вазирлиги Транспорт вазирлиги билан биргаликда юртдошларимиз учун Қурбон ҳайити кунларида мўътабар зиёратгоҳлар ва тарихий қадамжоларга зиёратларни ташкил этиш мақсадида қулай шароит ва имкониятлар яратсин. 5. Ўзбекистон Миллий телерадиокомпанияси, Ўзбекистон Миллий ахборот агентлиги ва бошқа оммавий ахборот воситаларига Қурбон ҳайитини нишонлаш билан боғлиқ тадбирларни кенг ёритиш тавсия этилсин. 6. Мазкур қарорнинг ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президентининг маслаҳатчиси М.М. Камилов зиммасига юклансин. Ўзбекистон Республикаси Президенти Ш.Мирзиёев

САУДИЯНИНГ МАРКАЗИЙ НАШРИ: ЎЗБЕКИСТОНЛИК ҲОЖИЛАР МИННАТДОР

Саудия Aрабистонининг марказий нашри – “Ар-Риёз” газетасида ўзбекистонлик зиёратчиларни тантанали кутиб олиниши, ибодат қилишга қулай шароит яратилгани ва юқори даражада хизмат кўрсатилаётгани ҳақида мақола чоп этилди.

Саудия матбуоти зиёратчиларимизга бўлган эътиборни кенг ёритди

Саудия Арабистонининг етакчи нашрларидан бири, маҳаллий ва халқаро хабарларни кенг ёритадиган "al-hadath.com" Интернет нашри ўзбекистонлик зиёратчиларни кузатишдаги юксак ҳурмат-эҳтиром ҳақида хабар эълон қилди.

«Ҳаж-2023» мавсуми: эътироф ва мамнуният

Аввал хабар берганимиздек, айни кунларда зиёратчиларимизни муборак Ҳаж сафарига юбориш жараёни давом этмоқда. Бўлажак ҳожиларимиз яратилган шароитлардан мамнун бўлиб, ибодат ва дуоларни қилмоқдалар. Эътиборингизга

Юртдошларимиз Маккада катта эҳтиром билан кутиб олинди

Бугун, 7 июнь куни эрта тонгда Маккаи мукаррамага етиб келган зиёратчиларимиз “Ҳаж – 2023” ишчи гуруҳи раҳбари Содиқ Тошбоев, хизмат кўрсатувчи мактабалар (муассасалар) вакиллари ва бошқа масъуллар томонидан тантанали равишда катта эҳтиром билан кутиб олинди.

Қатар Маданият вазири: “ИМОМ БУХОРИЙ МAЖМУAСИ МAҲОБAТИДAН ҲAЙРAТЛAНДИМ”

Aйни кунларда Қатар Давлати Aмири шайх Тамим бин Ҳамад Ол Соний юртимизда давлат ташрифи билан бўлиб турибди. Ҳурматли меҳмон кеча Ўзбекистон Республикаси Президенти Шавкат Мирзиёйев ҳамроҳлигида қадим ва бетакрор Самарқанд шаҳрининг муқаддас қадамжоларини зиёрат қилди.

Ишчи гуруҳ раҳбари шароитларни кўздан кечириб, зиёратчилар билан мулоқот қилди

Бугун “Ҳаж – 2023” ишчи гуруҳи раҳбари С.Тошбоев ва масъуллар «Zamzam Pullman» меҳмонхонасида ҳожиларимизга яратилган шароитларни кўздан кечирди ва зиёратчиларимиз билан самимий мулоқот қилди. Юртдошларимиз шароитлардан мамнун эканларини, беш маҳал намозни Масжиди Набавийда ўқиш бахтига муяссар бўлаётганларидан мамнун эканларини билдирдилар.

“Ҳаж – 2023” ишчи гуруҳи зиммасига катта масъулият юкланди

Шу йил 1 июнь куни “Ҳаж – 2023” мавсумини намунали ўтказиш юзасидан навбатдаги мажлиси бўлиб ўтди. Унда Дин ишлари бўйича қўмита раиси С. Тошбоев, Ўзбекистон мусулмонлари идораси раиси, муфтий Н.Холиқназаров, зиёратчиларга хизмат кўрсатадиган ишчи гуруҳи ва ошпазлар иштирок этди.

Масжиду Набавий ёнидаги “Zamzam Pullman” меҳмонхонаси ҳожилар хизматида бўлади

Аввал хабар берганимиздек,Ҳаж мавсуми жорий йилнинг 4 июнь кунидан бошланади. Шу боис, зиёратчиларимизни кузатишга тайёргарлик, Саудия Арабистонидаги меҳмонхоналар шароити ва ташкилий ишлар ҳақида маълумот бериб бормоқдамиз.

“Ҳаж – 2023” ишчи гуруҳи: мавсумга тайёргарлик авжида

Аввал хабар берганимиздек, Ҳаж мавсуми жорий йилнинг 4 июнь кунидан бошланади. Ушбу муборак сафарни юқори савияда ташкил қилиш ва ҳамюртларимиз амалларини чиройли адо этишлари учун барча шарт-шароитлар ҳозирланмоқда.

“Ҳаж – 2023” ишчи гуруҳи: мавсумга тайёргарлик авжида

Аввал хабар берганимиздек, Ҳаж мавсуми жорий йилнинг 4 июнь кунидан бошланади. Ушбу муборак сафарни юқори савияда ташкил қилиш ва ҳамюртларимиз амалларини чиройли адо этишлари учун барча шарт-шароитлар ҳозирланмоқда.

Ҳаж мавсуми 4 июндан бошланади

Ўзбекистонда ҳаж мавсуми 2023 йил 4 июндан бошланади. Мамлакатимиздан Саудия Арабистонига шу йил 2023 йил 4 июндан 19 июнга қадар ҳар куни 4 та авиақатнов амалга оширилади.

ФИРИБГАРЛАРГА АЛДАНМАНГ ЁХУД ҲАЖ САФАРИ ТЎҒРИСИДА МУҲИМ ЭСЛАТМА❗️

Айни кунларда ижтимоий тармоқларда “Фалон фирма билан ҳаж қилинг!”, “Ҳаж сафари учун саноқли жой қолди!”, “Ҳаж учун ярим нархни тўланг!” каби жимжимадор сарлавҳа остидаги рекламалар кўпаймоқда. Айримлар умра визаси, туристик (зиёрат) виза, бизнес виза билан ҳаж қилишни ваъда қилмоқда, бунинг мутлақо имкони йўқ!

Экстремистик ва террористик контентлар хусусида

Сўнги вақтларда турли экстремистик ва террористик ташкилотларнинг медиамарказлари томонидан тайёрланган экстремистик ва террористик мазмундаги тарғибот материаллари интернет тармоқларида кенг тарқатилмоқда. Бу эса, ўз навбатида, нафақат юртимизда, балки жаҳон ҳамжамиятида бу каби маълумотларни аҳоли орасида тарқалишини олдини олишга, уларни ижтимоий тармоқларда аниқлаш ва фаолиятига чек қўйиш бўйича механизмлар ишлаб чиқиш ҳамда амалиётга тадбиқ қилиш заруратини кун тартибига қўймоқда.