Матбуот хизмати

Оммавий ахборот воситалари ва жамоатчилик билан ишлаш хизмати 

 

I. Умумий қоидалар

1. Ўзбекистон Республикаси Вазирлар Маҳкамаси ҳузуридаги Дин ишлари бўйича қўмитанинг Оммавий ахборот воситалари ва жамоатчилик билан ишлаш хизмати(кейинги ўринларда – Хизмат деб аталади) Дин ишлари бўйича қўмита (кейинги ўринларда – Қўмита деб аталади) марказий аппаратининг таркибий тузилмаси ҳисобланади.

2. Хизмат Қўмита фаолияти ҳақида оммавий ахборот воситалари ва бошқа воситалар орқали аҳолига мунтазам, тўлиқ ва тезкор равишда ахборот тақдим этиш, ахборот макони мониторингини олиб бориш, ахборот хуружларига тезкор муносабат билдириш, Қўмита фаолиятига алоқадор ахборотни тарқатишни амалга оширади;

3. Хизмат ўз фаолиятида Ўзбекистон Республикаси Конституцияси ва қонунлари, Ўзбекистон Республикаси Олий Мажлиси палаталарининг қарорлари, Ўзбекистон Республикаси Президентининг фармонлари, қарорлари ва фармойишлари, Вазирлар Маҳкамасининг қарорлари ва фармойишлари, бошқа норматив-ҳуқуқий ҳужжатлар, Қўмита тўғрисидаги низом, Қўмита Ҳайъатининг қарорлари, Қўмита раисининг буйруқлари, фармойишлари ва йўриқномаларига амал қилади.

II. Хизмат фаолиятини ташкил этиш

1. Хизматга Ўзбекистон Республикаси Президенти ҳузуридаги Ахборот ва оммавий коммуникациялар агентлиги билан келишилган ҳолда Қўмита раиси томонидан лавозимга тайинланадиган бош мутахассис – матбуот котиби, Қўмита раисининг ахборот сиёсати масалалари бўйича маслаҳатчиси раҳбарлик қилади.

2. Хизматда Қўмита раиси томонидан лавозимга тайинланадиган 1 та штат бирлигидаги 1-тоифали мутахассис фаолият юритади.

III. Хизмат ходимларининг функционал вазифалари

1. Хизмат бош мутахассиси – матбуот котиби

Ахборот хизмати фаолиятини бошқаради ва унга юклатилган вазифаларнинг ҳал этилишини таъминлайди, жумладан, Қўмита раҳбари билан биргаликда Қўмита ахборот фаолияти умумий стратегияси ва тактикасини ишлаб чиқади;

Қўмита фаолияти ҳақида оммавий ахборот воситалари, ижтимоий тармоқлар, расмий веб-сайтлар, шунингдек бошқа ахборот ресурслари орқали, шу жумладан, матбуот анжуманлари, брифинглар, медиатер ташкил этиш йўли билан аҳолига мунтазам, тўлиқ ва тезкор равишда ахборот тақдим этиб боради;

Қўмита фаолияти тўғрисидаги жамоатчилик фикрини, миллий ва хорижий оммавий ахборот воситаларининг позицияларини ўрганади, долзарб таклифлар ишлаб чиқади ва улар тўғрисида Қўмита раҳбариятига тезкор ахборот бериб боради;

дин соҳасидаги давлат сиёсатининг асосий мақсади, вазифалари ва принципларини кенг жамоатчиликка, давлат ва жамоат ташкилотлари раҳбар ва ходимларига тушунтириш, уларнинг фаоллиги, ташаббускорлигини ошириш ишларини олиб боради;

диний мавзуларга оид нашрлар, Интернет бутунжаҳон ахборот тармоғи ва оммавий ахборот воситалари материалларини чуқур таҳлил қилади;

PR-компанияларни истиқболли режалаштириш ва оммавий ахборот воситалари орқали Қўмита фаолияти ҳақида жамоатчиликнинг ижобий фикрини шакллантиришга қаратилган чора-тадбирларни тезкор режалаштиришда қатнашади;

минтақавий муаммолар бўйича қисқача ахборот хабарларини мунтазам равишда тақдим этади (даврини белгилаш мақсадга мувофиқ, масалан, ҳафтада 1 марта);

Қўмита раҳбарини минтақадаги ваколат доирасига кирадиган масалалар борасида ахборотга оид вазият ҳақида мунтазам равишда хабардор қилади;

Босма оммавий ахборот воситаларида ахборот ва тематик мақолалар концепцияси ҳамда режасини ишлаб чиқади;

Расмий хабарлар, матбуот ахборотлари ва Қўмита фаолиятига тегишли, оммавий ахборот воситалари учун ва иш вақтида зарур бўлган бошқа ахборот материаллари матнини тайёрлайди;

Оммавий ахборот воситаларига Қўмита фаолияти, Қўмита раҳбарининг эълон қилинадиган қарорлари, фармойишлари, мақсадли дастурлар, шунингдек, бошқа ҳужжатлар тўғрисидаги маълумотларни тақдим этиш бўйича ишни ташкил этади ва назорат қилади;

оммавий ахборот воситалари, бошқа ташкилот ва фуқароларнинг Қўмита фаолияти тўғрисидаги сўровларига жавоб тайёрлайди;

Қўмита фаолиятини ёритувчи минтақавий оммавий ахборот воситаларининг журналистларига услубий ёрдам кўрсатади;

Оммавий ахборотвоситаларида қўмита вакилларининг чиқишларини таъминлайди;

оммавий ахборот воситаларида материалларни жойлаштириш ҳақида Қўмита раҳбарияти билан келишади;

Қўмита веб-сайтида жойлаштириш учун ахборот тайёрлайди;

оммавий ахборот воситаларида қўмита фаолияти тўғрисидаги хабарлар мониторинги ва таҳлилиниўтказади;

Қўмита фаолияти тўғрисидаги эълон қилинган хабарларнинг ишончлилиги текширувини амалга оширади. Зарурат бўлган ҳолда, тушунтириш хатлари ва раддиялар тайёрлайди;

2. Хизмат 1-тоифали мутахассиси

Ахборот хизмати фаолияти доирасида ўтказиладиган барча чора-тадбирларни ташкил этиш билан шуғулланади.

теле- ва радиоэфирда, босма матбуот саҳифалари, ахборот агентликлари хабарларида ва қўмитанинг расмий сайтида қўмита фаолиятига тааллуқли ахборот билан қатнашишни таъминлайди

медиа муносабатлар, оммавий ахборот воситалари вакиллари билан алоқаларни қўллаб-қувватлаш ва янгиларини ўрнатади;

оммавий ахборот воситаларида расмий хабарлар, матбуот релизлари ва бошқа ахборот материалларини тарқатиш, жумладан, ижтимоий рекламани, турли масалалар юзасидан қўмита фаолиятини тўлиқ ва холис ёритиш борасида ишни ташкил этади;

Қўмита вакилларининг теле ва радиодастурларда меҳмон ва эксперт сифатида иштирокини таъминлаш юзасидан музокаралар олиб боради;

Матбуот конференциялари, брифинглар, қўмита вакилларининг оммавий ахборот воситалари ходимлар билан учрашувларида журналистлар иштирокини ташкилэтади;

Қўмита фаолияти ҳақида мақолалар эълон қилиш, сюжетларни жойлаштиришни ташкил этиш; мақолалар, теле- ёки радио дастурлар учун материаллар йиғиш ва тайёрлашни амалга ошираётган журналистларга кўмаклашади;

Келишувларга мувофиқ, қўмита фаолияти ҳақида хабарлар чиқиши устидан назоратни йўлга қўяди;

Қўмита томонидан амалга оширилаётган мақсадли дастур ва махсус лойиҳаларнинг қўллаб-қувватланишини таъминлаш борасида оммавий ахборот воситалари билан музокаралар олиб боради;

Қўмитанинг расмий Интернет-сайтида жойлаштириш учун материаллар тайёрлаш, уни керакли ҳолатда сақлаб туради;

Қўмита ахборот хизмати фаолияти доирасида ўтказиладиган минтақавий чора-тадбирларнинг видео- ва фотосъёмкаларини амалга оширади.

ҚАБУЛ КУНЛАРИ

Пайшанба 15:00 дан 17:00 гача

Ишонч телефон

+99871 200-58-88

Регламент


Ягона ишонч телефони кун тартиби: Душанба-Жума 9:00 дан 18:00 гача

Архив

Воқеалар

Ду Се Чо Па Жм Шн Як