ТЕЗКОР МАЪЛУМОТ: ҳашар кунлари қанча дарахт ва гул кўчати экилиши айтилди

Наврўз байрами арафасида мамлакатимиз бўйлаб “Обод юрт” умумхалқ ободонлаштириш ва кўкаламзорлаштириш хайрия ҳашари акцияси бошланди.

Халқимизга хос эзгу тадбирнинг бориши ҳақида Маҳалла ва оилани қўллаб-қувватлаш вазирлигида бўлиб ўтаётган брифингда маълумот берилди.

Вазирлик бошқарма бошлиғи Турғун Қирғизбоевнинг тезкор маълумот беришича, умумхалқ хайрия ҳашарининг илк кунида ҳозиргача 6 миллиондан зиёд юртдошларимиз фаол иштирок этган. Юрт равнақи ва ободлигига бел боғлаган ҳашарчиларнинг ғайрат-шижоати билан 13 минг 997 минг гектар майдонда ободонлаштириш ишлари олиб борилди.

Жумладан, 7 минг 750 километр узунликдаги ариқ-зовурлар тозаланди,

320 зиёратгоҳ ва 4703 қабристон ободонлаштирилмоқда. Шунингдек, 1 миллион 610 минг 798 дона манзарали, 1 миллион 87 минг 885 дона мевали дарахт кўчати экилиб, 1 миллион 450 минг 656 дона гул кўчати ўтқазилади. Мавжуд 7 миллион 177 минг 207 дона дарахтга шакл берилди. Бу улкан ҳажмдаги ишларни бажариш учун 6 минг 722 техника жалб қилинди.

Ҳашар давомида “Ҳеч ким меҳр ва эътибордан четда қолмасин” шиори остида аҳолининг ижтимоий ҳимояга муҳтож қатлами – ёлғиз қариялар, ногиронлар, боқувчисини йўқотган, кам таъминланган оилаларга моддий ва маънавий ёрдам кўрсатишга алоҳида эътибор қаратилади. Жумладан, 5 минг 637 ижтимоий ҳимояга муҳтож оилага тегишли уй-жойларни таъмирлаш, 2 минг 886 эҳтиёжманд оилага моддий ёрдам кўрсатиш ишлари олиб борилди.

Манба: ЎзА.

Дин ишлари бўйича қўмита матбуот хизмати

ҚАБУЛ КУНЛАРИ

Пайшанба 15:00 дан 17:00 гача

Ишонч телефон

+99871 200-58-88

Регламент


Ягона ишонч телефони кун тартиби: Душанба-Жума 9:00 дан 18:00 гача

Архив

Воқеалар

Ду Се Чо Па Жм Шн Як