Mahalliy davlat hokimiyati organlari bilan birgalikda vijdon erkinligi va diniy tashkilotlar to'g'risidagi qonun hujjatlariga muvofiq diniy masalalarni hal qilishda yagona siyosatni amalga oshirishni ta'minlaydi;

• davlat organlarining respublika hududida joylashgan diniy tashkilotlar bilan o'zaro aloqasi va hamkorligini ta'minlash choralarini ko'radi;
• davlat siyosatida qonun hujjatlarida belgilangan tartibda ro'yxatdan o'tkazilgan diniy tashkilotlar manfaatlarini aks ettirish ta'minlaydi;
• davlat organlarining diniy tashkilotlar bilan o'zaro munosabatlarini muvofiqlashtirish hamda vijdon erkinligi va diniy tashkilotlar to'g'risidagi qonun hujjatlarining ijrosi ustidan nazoratni amalga oshirish bo'yicha vazifalarni amalga oshiradi;
• O'zbekiston Respublikasi hukumatining topshirig'iga ko'ra, vijdon erkinligiga va diniy tashkilotlar faoliyatiga taalluqli normativ-huquqiy hujjatlar loyihalarini ishlab chiqishda qatnashadi;
• respublika doirasida va chet ellarda diniy tashkilotlar o'rtasida aloqalar o'rnatilishini tashkil qilish bo'yicha ishlarni amalga oshiradi;
• qo'mitaning nizomi va boshqa normativ-huquqiy hujjatlarga asosan boshqa vazifalarni bajaradi;
• qo'mita faoliyatiga yakka boshchilik asosida umumiy rahbarlik qiladi hamda qo'mitaga Yuklangan vazifalar va funktsiyalarning bajarilishi uchun shaxsan javob beradi;
• rais o'rinbosari va bo'lim boshliqlarining vakolatlarini, qo'mita faoliyatining alohida yo'nalishlari yuzasidan shaxsiy javobgarligi darajasini belgilaydi;
• zarurat bo'lganda, qo'mita Markaziy apparati xodimlarining belgilangan cheklangan umumiy soni va ish haqi fondi doirasida tasdiqlangan tuzilmaga o'zgartirishlar kiritadi va Shtatlar jadvalini tasdiqlaydi;
• o'z vakolati doirasida qo'mita tizimi xodimlari bajarishi majburiy bo'lgan buyruqlar chiqaradi va farmoyishlar beradi;
• qo'mita Markaziy apparat bo'linmalari to'g'risidagi namunaviy nizomlarni belgilangan tartibda tasdiqlaydi;
• qo'mita Markaziy apparati bo'lim boshliqlari hamda mas'ul xodimlarini qonun hujjatlarida belgilangan tartibda lavozimga tayinlaydi va lavozimdan ozod qiladi;
• qonun hujjatlariga muvofiq boshqa vakolatlarni amalga oshiradi.

Rais mazkur vazifalarni o'z o'rinbosari, qo'mita apparati bo'lim boshliqlari hamda boshqa mas'ul xodimlar orqali amalga oshiradi.

нннн