Qoʻmita xodimlari uchun oʻquv-seminar boʻlib oʻtdi
Qoʻmita xodimlari uchun oʻquv-seminar boʻlib oʻtdi
Joriy yilning 14-sentyabr kuni “Oʻzbekiston Respublikasi Prezidentining 2023-yil 8-maydagi “Yangi tahrirdagi Oʻzbekiston Respublikasi Konstitutsiyasini amalga oshirish boʻyicha birinchi navbatdagi chora-tadbirlar toʻgʻrisida”gi Farmonining ijrosini taʼminlash maqsadida Din ishlari boʻyicha qoʻmita xodimlari uchun seminar oʻtkazildi.
Seminardan koʻzlangan maqsad Qoʻmitada faoliyat olib borayotgan xodimlarning huquqiy bilimlarini oshirish va yangi tahrirdagi Konstitutsiyaning mazmun-mohiyatini toʻliq ochib berishdan iborat.
Ekspertlar tomonidan Bosh Qomusimizga kiritilgan eng muhim oʻzgarishlar haqida batafsil maʼlumot berildi. Xususan, yangi tahrirdagi Konstitutsiyada inson, uning hayoti, erkinligi, shaʼni, qadr-qimmati oliy qadriyat hisoblanib, insonparvar demokratik davlatni, ochiq va adolatli jamiyatni barpo etishga qaratilgan normalarning belgilanganligi va boshqa muhim masalalar toʻgʻrisida atroflicha tushunchalar berildi.
Seminar savol-javoblarga boy tarzda, ochiq muloqot shaklida oʻtdi.
Din ishlari boʻyicha qoʻmita
Axborot xizmati
15.09.2023.