Оммавий ахборот воситалари ва жамоатчилик билан ишлаш хизмати бўлим бошлиғининг функционал вазифалари

Қўмита ахборот хизмати раҳбари ахборот хизмати фаолиятини бошқаради ва унга юклатилган вазифаларнинг ҳал этилишини таъминлайди, жумладан: Қўмита раҳбари билан бирга Қўмита ахборот фаолияти умумий стратегияси ва тактикасини ишлаб чиқади;
Қўмита раҳбарини минтақавий ОАВлари фаолияти ва Қўмита фаолиятига нисбатан жамоатчилик фикрининг аҳволи ҳақида тезкор хабардор қилади;
PR-компанияларни истиқболли режалаштириш ва оммавий ахборот воситалари орқали Қўмита фаолияти ҳақида жамоатчиликнинг ижобий фикрини шакллантиришга қаратилган чора-тадбирларни тезкор режалаштиришда қатнашади;
минтақавий муаммолар бўйича қисқача ахборот хабарларини мунтазам равишда тақдим этади (даврини белгилаш мақсадга мувофиқ, масалан, ҳафтада 1 марта);
Қўмита раҳбарини минтақадаги ваколат доирасига кирадиган масалалар борасида ахборотга оид вазият ҳақида мунтазам равишда хабардор қилади;
босма ОАВларида ахборот ва тематик мақолалар концепцияси ҳамда режасини ишлаб чиқади;

расмий хабарлар, матбуот ахборотлари ва Қўмита фаолиятига тегишли, ОАВлари учун ва иш вақтида зарур бўлган бошқа ахборот материаллари матнини тайёрлайди;

оммавий ахборот воситаларига Қўмита фаолияти, Қўмита раҳбарининг эълон қилинадиган қарорлари, фармойишлари, мақсадли дастурлар, шунингдек, бошқа ҳужжатлар тўғрисидаги маълумотларни тақдим этиш бўйича ишни ташкил этади ва назорат қилади;

ОАВлари, бошқа ташкилот ва фуқароларнинг Қўмита фаолияти тўғрисидаги сўровларига жавоб тайёрлайди;

Қўмита фаолиятини ёритувчи минтақавий ОАВларининг журналистларига услубий ёрдам кўрсатади;

матбуот конференциялари, брифинглар, интервью ва фуқаролар, оммавий ахборот воситалари вакиллари, давлат органлари ҳамда хўжалик юритувчи субъектлар билан учрашувлар ўтказилишини ташкил этади;

оммавий ахборот воситаларида Қўмита вакилларининг чиқишларини таъминлайди;

ОАВларида материалларни жойлаштириш ҳақида Қўмита раҳбарияти билан келишади;

Қўмита веб-сайтида жойлаштириш учун ахборот тайёрлайди;

ОАВларида Қўмита фаолияти тўғрисидаги хабарлар мониторинги ва таҳлилини ўтказади;

Қўмита фаолияти тўғрисидаги эълон қилинган хабарларнинг ишончлилиги текширувини амалга оширади. Зарурат бўлган ҳолда, тушунтириш хатлари ва раддиялар тайёрлайди;

ахборот хизмати тузилмаси, штатлар жадвали, ходимларни лавозимга тайинлаш ва лавозимдан озод этиш бўйича таклифларни Қўмита раҳбарига тақдим этади;

ахборот хизмати ходимларини тақдирлаш ва уларга нисбатан интизомий чораларни қўллаш, шунингдек, ахборот хизматига шартнома асосидаги ишларга ҳақ тўлаш учун молиявий маблағ ажратиш ҳақида Қўмита раҳбарига таклифлар киритади;

ахборот хизмати ходимлари лавозим мажбуриятларини белгилайди ва уларнинг малакасини оширишга кўмаклашади;

ўз ваколати доирасида хизмат ҳужжатларига имзо қўяди.