Халқаро диний эркинлик Комиссияси Ўзбекистонни «алоҳида хавотирга молик давлат»лар рўйхатидан чиқармоқчи

АҚШ Халқаро диний эркинлик Комиссияси (USCIRF) Ўзбекистонни тарихда илк бор «алоҳида хавотирга молик давлат» деб ҳисобламасдан Давлат департаментига унга «махсус кузатувдаги мамлакат» сифатида қарашни тавсия қилмоқда. Бу ҳақда «Америка овози» хабар бермоқда.

Комиссия республикачи ва демократ арбоблардан иборат махсус ҳайъат бўлиб, Конгресс, Оқ уй, Давлат департаменти ва бошқа вазирликлар, шунингдек, агентликларга ташқи сиёсат бобида маслаҳат ва тавсиялар беради. Комиссия — мустақил орган, яъни бирор вазирлик ёки агентликка қарамайди. Унинг ҳисоботи қонунчилар, мутасаддилар, сиёсатчилар ва ахборот воситалари томонидан қўлланилади.

1998 йилда ташкил топган комиссияга кўра, айни дамда 14 давлат «алоҳида хавотирга молик давлат» деб белгиланиши керак. Жумладан, Хитой, Эрон, Саудия Арабистони, Шимолий Корея, Тожикистон ва Туркманистон.

«Махсус кузатувдаги мамлакат» деган рўйхатда эса 15 давлат туриши керак.

Комиссия аъзолари ўтган бир йил ичида дунё кезиб, вазиятни ўрганган. Жумладан, унинг делегацияси Ўзбекистонда ҳам бўлиб, сиёсий ва диний доиралар, шунингдек, ҳуқуқ фаоллари ва жамоатчилик билан учрашган.

Жаслиқ қамоқхонаси ёпилгани, комиссия таҳлилича, ўтган йили ҳукумат томонидан ҳуқуқ ҳимояси бобида ташланган энг йирик қадам.

Давлат департаменти аслида 2019 йилнинг декабрида Ўзбекистондаги «ижобий ўзгаришларни» қайд этиб, диний эркинлик бўйича мақомини янгилашга қарор қилган эди. Комиссия эса буни энди тавсия қилмоқда.

«Махсус кузатувдаги мамлакат» бўлиш нимани англатади? Ўзбекистон олдида ҳозир диний эркинлик борасида айнан қайси масала турибди?

Бу саволга АҚШ Халқаро диний эркинлик Комиссияси раиси ўринбосари Надин Маэнза шундай жавоб беради:

«Давлат департаменти Ўзбекистондаги вазиятни яқиндан кузатмоқда ва кузатишда давом этади. Эътиқод эркинлиги ҳимояси билан машғул барча тарафлар аҳволни таҳлил қилиб боради. Биз Ўзбекистонда бўлганимизда ҳукумат билан очиқ гаплашдик, муаммоларни муҳокама қилдик. Мулоқот жадал. Ўзбекистон ҳукуматида аҳволни яхшилаш учун ҳаракат тўхтамаслиги лозим. Асосий муаммо — 1998 йилда қабул қилинган қонун. У диний ташкилотларни рўйхатга олишни чеклайди ва қийинлаштиради. Комиссиямиз мана шу қонунни ўзгартириб, Ўзбекистонда ҳуқуқий ислоҳотларни жадаллаштиришга чақиради. Умид қиламизки, бу муаммо бартараф этилади».

Ҳисоботда Туркманистон ва Тожикистон ҳозирда диний эркинлик бўйича Марказий Осиёда энг оғир вазият ҳукмрон жамиятлар дея эътироф этилади. Комиссия Қозоғистон ҳукумати билан ҳам ишламоқда. Қирғизистон билан ҳам ҳамкорлик йўлга қўйилган ва бу республика эътиқод эркинлиги борасида нисбатан эркин саналади.

Манба: uza.uz

Дин ишлари бўйича қўмита матбуот хизмати

ҚАБУЛ КУНЛАРИ

Пайшанба 15:00 дан 17:00 гача

Ишонч телефон

+99871 200-58-88

Регламент


Ягона ишонч телефони кун тартиби: Душанба-Жума 9:00 дан 18:00 гача

Архив

Воқеалар

Ду Се Чо Па Жм Шн Як