Дин ишлари бўйича қўмита бош мутахассиси Муҳаммад Бобур Йўлдошев “Маънавий-маърифий ишлар аълочиси” кўкрак нишони билан тақдирланди
Шу муносабат билан, 30 январь куни Дин ишлари бўйича қўмитада тадбир бўлиб ўтди. Унда Қўмита раиси Муҳамммад Бобур Йўлдошевни ушбу кўкрак нишони билан самимий қутлаб, шундай деди: “Сиздек узоқ йиллар ўз касбига фидокорлик, жонбозлик ва ватанпарварлик билан меҳнат қилган инсонлар барчамизга, хусусан ёшларимизга катта ибратдир. Сизга сиҳат-саломатлик, оилавий бахт, келгусидаги фаолиятингизда улкан зафарлар тилайман”.
Маълумот учун, “Маънавий-маърифий ишлар аълочиси” кўкрак нишони Ўзбекистон Республикаси Вазирлар Маҳкамасининг 2018 йил 5 декабрдаги “Ўзбекистон Республикаси Қуролли Кучларининг “Маънавий-маърифий ишлар аълочиси” кўкрак нишонини таъсис этиш тўғрисида”ги қарори асосида таъсис этилган.
Дин ишлари бўйича қўмита матбуот хизмати