Ўзбекистон ва Индонезия: “зиёрат туризми” бўйича амалий ҳамкорлик

Мамлакатимизнинг Индонезиядаги элчихонаси ва “Ўзбекистон ҳаво йўллари” миллий авиакомпанияси томонидан Жакарта шаҳрида юртимизнинг сайёҳлик салоҳияти борасида тақдимот тадбирлари ўтказилди. Унда 50 га яқин маҳаллий сайёҳлик компанияси вакиллари иштирок этди.

Тақдимот чоғида иштирокчилар юртимиз тарихи, маданияти, пазандалиги, шунингдек, зиёрат туризми имкониятлари билан таништирилди. Жумладан, мамлакатимизга Жакарта – Тошкент авиақатнови орқали келаётган туристлар учун янги сайёҳлик маршрутлари тақдим этилди.

Тадбир доирасида индонезиялик сайёҳлар учун ушбу мамлакатнинг «Aspire» компанияси томонидан имтиёзли кредитлар ва «touress.com» компанияси томонидан Ўзбекистондаги туристик йўналишлар тақдимоти ҳам ўтказилди.

– Биз бугун Ўзбекистонни сайёҳлик йўналиши сифатида тарғиб этмоқдамиз, – дейди «touress.com» сайёҳлик компанияси вакили Арван.          – Индонезия фуқаролари учун визаларнинг бекор қилиниши ҳамда Тошкентга тўғридан-тўғри авиарейслар очилиши билан бизга индонезияликларнинг Ўзбекистонга “зиёрат ташрифи”ни ташкил этиш имконияти пайдо бўлди. Ўзбекистон сайёҳлик йўналиши сифатида индонезияликларда катта қизиқиш уйғотади. Масалан, Имом Бухорий мажмуаси юртингизда жойлашган. Бундан ташқари, энди бизда «Умра – Ўзбекистон» сайёҳлик йўналишини ташкил этиш имконияти мавжуд.

Тақдимот якунида Ўзбекистонга бепул совринли саёҳат пакети ўйналди.

 

Дин ишлари бўйича

Матбуот хизмати

Кабул кунлари

Пайшанба 15:00 дан 17:00 гача

Ишонч телефон

+99871 239-17-63

Регламент


Ягона телефон

+99871 200-58-88

Регламент


Ягона ишонч телефони кун тартиби: Душанба-Жума 9:00 дан 18:00 гача

Архив

Воқеалар

Ду Се Чо Па Жм Шн Як