Кўриниш

A
A
A

Шрифт ўлчами

0% га катталаштириш



Diniy tashkilotlar


Бугунги кунда Ўзбекистон Республикасида жами 2240 та диний ташкилотлар мавжуд. Улардан 2056 та исломий, 157 та христиан ташкилотлари, 8 та яҳудий, 6 та баҳоий жамоаси, 1 та Кришна жамияти ва 1 та Будда ибодатхонаси ҳамда 1 та Библия жамияти фаолият юритмоқда.

Мазкур диний ташкилотлар орасида диний таълим муассасалари ҳам ўрин олган. Республика бўйича Ўзбекистон мусулмонлари идораси тасарруфидаги 9 та ўрта махсус ислом билим юртлари (мадраса) ва Тошкент ислом институти ва Мир араб олий мадрасаси, шунингдек, Рус православ черкови Тошкент ва Ўзбекистон епархиясининг Тошкент православ семинаряси ҳамда Тошкент протестант семинариялари шулар жумласидандир.

Булардан ташқари, 2018 йил 15 апрель куни Ўзбекистон Республикаси Президенти Ш.Мирзиёевнинг Фармонига мувофиқ Тошкент ислом университети негизида Ўзбекистон халқаро ислом академияси ташкил этилди.

Дин ишлари бўйича қўмита, республикамиздан муқаддас қадамжоларга зиёрат қилаётган фуқароларимизга ҳам хизмат кўрсатади. Ҳар йили умра ва муқаддас Ҳаж сафарига бораётган зиёратчиларимизга сафар билан боғлиқ виза ҳужжатлари, авиачипталарини расмийлаштириш, Саудия Арабистонида жойлардаги шароитлар, меҳмонхона ва бошқа масалаларда мутасадди ташкилотлар билан уюшқоқликда ишларни амалга оширади. Жорий йилда 10 000 дан зиёд фуқароларимиз баҳорги мавсумда Умра зиёратини амалга ошириб келишга муваффақ бўлдилар. Шунингдек, 7200 нафар фуқароларимиз ҳаж ибодатини амалга ошириш режалаштирилган.  

Булардан ташқари, юртимиздан ноисломий ташкилотлар томонидан ҳам христиан ва яҳудийлар учун муқаддас қадамжоларга зиёратлар ташкил этилади. Ҳар йили Тошкент ва Ўзбекистн епархияси томонидан Исроилнинг Иерусалим шаҳрига, шунингдек, Россия ва Гретсия давлатларига зиёратлар ташкил этиш яхши анъанага айланди. Жорий йил 6-7 апрел кунлари 130 дан зиёд православ христианлар Исроилнинг Иерусалим шаҳрига зиёратга бориб келишди.

 


Davlat dasturlari